Berriak | 2014-04-03

Apirilaren 9an hitzaldia Galdakaon, Aktibatu + hitzaldi programaren barnean

Apirilaren 9an hitzaldia Galdakaon, Aktibatu + hitzaldi programaren barnean

Udaltalde 21 Nerbioi-Ibaizabalek jakinarazi nahi du apirilaren 9an, asteazkena, arratsaldeko 19:00etan, CEP Galdakaon, Kurtzeko Plaza 10A, Aktibatu + hitzaldi programaren barnean, bosgarren konferentzia burutuko dela.

Gaia, “Nola egin zure kontsumoa arduratsuagoa” izango da eta Eroski Taldearen aditu batek emango du.

Aktibatu + Bizkaiko Foru Aldundiaren ekimena da, herritarren parte-hartzea sustatzeko ingurumen iraunkortasunaren alde, Bilbao Bizkaia Ur Partzuergoa, Bizkaiko Garraio Partzuergoa, Energiaren Euskal Erakunde (EEE), Eroski Taldea eta Garbiker Sozietate Publikoaren lankidetzarekin. Duela hilabete batzuk jarri zen abian Arratia eta Nerbioi-Ibaizabalgo udalerrietan.

Global Action Plan (GAP) Nazio Batuek babestuta, ikuspegi positibo, ideia arrunt eta ekintza praktikoetan oinarritzen da. Xedea pertsonen ohiturak aldatzen laguntzea du. Baliabideen erabileran eraginkortasuna hobetzea du helburu, eta planetarekiko eragin negatiboa murriztea, etxeko eta tokiko ekonomiaren mesedetan lan egiten den bitartean. 

Jarduera honetan parte hartu eta izena eman nahi duten familiek eskura dute webgune espezifikoa, tresna erraz eta eraginkorrekin, erosketa-hondakinak, ura, energia eta mugikortasuna bezalako gaiei heltzeko. Gai bakoitza hiru astez lantzen da, modu praktiko eta xumean. Hortaz, programak hiru hilabete irauten du, izena ematen den egunetik. Webgune honetara parte hartzen duten udalerri, Udaltalde 21 Nerbioi-Ibaizabal eta bestelakoen webguneetatik sartzen da, edo bestela, www.bizkaia21.net webgunetik, Aktibatu + atalera joanda.

Aktibatu + plataformari laguntzeko, hitzaldi programa antolatu du 2013-2014 edizioan parte hartzen duten bi eskualdeetan: Arratian eta Nerbioi-Ibaizabalen. Programaren oinarria diren bost gaiak modu praktikoan landuko dira: ura, energia, erosketa, hondakinak eta mugikortasuna. Sarrera zabala da. 

• Itzuli

Jasangarritasun Bulegoa Tokiko Agenda 21 Agenda 21 Industriala

Eskolako Agenda 21 Hondakinen kudeaketa

Mugikortasun iraunkorra
      

© Udaltalde 21 Nerbioi Ibaizabal • info@udaltalde21.eus • Tel. 946712699 • Elexalde 18. 48498 Arrankudiaga-Zollo